Dreymdi að hann gengi inn á baðherbergi sem var langt og mjótt. Lokaði hurðinni, tók buxurnar niður og tók til við hamaganginn.

Horfði á dyrnar í fjarska.  Langt í þær.

Rak upp stór augu enda hafði gleymst að setja lásinn á. Ekki nokkur leið að teygja sig í dyrnar. Reyndi þó, en buxurnar voru snillingnum fjötur um fót. 

Hamagangurinn var kominn hálfa leið niður í postulínið þegar hurðin opnaðist... 

Svo má lengi telja upp ýmislegt, sem hreinlega hefur horfið undan flokknum. 

snillingur-jón veltir því fyrir sér hvað bókmenntafræðingar lesa úr veikindum Björns þegar hægra lunga hans hreinlega fellur saman.

Það er aldrei að vita nema vinstri slagsíða sé komin í dómsmálaráðherrann

Tja, betra er seint en aldrei, myndu einhverjir segja.... 

Fjárfestingafélagið leggur fjármuni undir leiki í Lengjunni og stóðu vonir til að ávaxta pundið með eindæmum vel. Það gerðist ekki.

Eittþúsund krónur - 1.000 kall - var settur í höfuðstól fjárfestingafélagsins. Afkoman reyndist hins vegar í lélegra lagi þar sem enginn vinningur kom á miða félagsins. Súnkuðu því vonir manna niður í svotil ekki neitt, sem er í hlutfalli við hagnaðinn.

Arðsemi eigin fjár fjárfestingasjóðsins var engin og eru eignir sjóðsins engar þar sem bækur hans hafa verið tæmdar. Að sama skapi er eiginfjárhlutfallið ekki neitt.

snillingur-jón er hins vegar bjartsýnn á yfirstandandi ár. „Þar sem rekstur fjárfestingafélagsins er smár í sniðum og yfirbyggingin engin hefur hugmyndafélagið litla flugan tekið við rekstrinum. Litlar breytingar verða á rekstri félagsins að öðru leyti en því að áður var ég einráður sjóðsstjóri en gegni nú stöðu stjórnarformanns litlu flugunnar. Þá verður árinu skipt upp í fjóra hluta, líkt og hjá almennilegum stórfyrirtækjum.

Við höfum ákveðið að láta 1.000 krónur renna til sjóðsins á nýjan leik og verður honum varið til veðmála á fyrsta ársfjórðungi. Að honum loknum mun félagið senda frá sér afkomuskýrslu þar sem gerð verður grein fyrir hagnaði ársins.

Við erum bjartsýn á framhaldið og gerum ráð fyrir gríðarlegum hagnaði af þúsundkallinum á næstu þremur mánuðum,“ segir snillingur-jón, stjórnarformaður litlu flugunnar. 

Litla flugan kunngjörir í dag að snillingur-jón fylgdist með leik Íslendinga og Dana í gær án þess svo mikið sem kveikja á sjónvarpi eða útvarpi. Hann fór heldur ekki á leikinn. Óskar Aðalsteinn, bróðir hans sem búsettur er í foreldrahúsum á Selfossi, hringdi látlaust í hann á meðan leiknum stóð í gærkvöldi og tilkynnti honum um hvert markið á fætur öðru af miklum móð.

snillingur-jón segir: „Þetta var ægileg stund. Ekki fyrir Íslendinga eða landsliðið, þannig séð. Þetta er erfitt fyrir mig enda hafði ég komið mér vel fyrir í stofunni heima með bókina Yosoy eftir Guðrúnu Evu Mínervudóttur sem ég keypti í kiljuformi gær og var nýbúinn að rífa utanaf henni plastið þegar síminn hringdi. Það var Óskar bróðir til að segja mér að „við“ hefðum komist yfir. Staðan væri .... ég man hana ekki. Síðan skellti hann á.

Ég var búinn með svona hálfa blaðsíðu þegar Óskar hringdi aftur og sagði mér að Danir hefðu komist yfir. Ég missti þráðinn og varð að byrja upp á nýtt eftir að hann sleit samtalinu nokkrum sekúndum síðar.

Ég náði góðum spretti í hálfleik en að honum loknum tók ekki betra við. Svo ég tali ekki um framlenginguna en þá varð ég bókstaflega að leggja bókina frá mér því Óskar hékk á línunni og lýsti fyrir mér leiknum með tilfinningaríkum og leikrænum hætti.  

Hvort íslenska landsliðið leikur í kvöld eða ekki veit ég ekki. Ef svo verður ekki vonast ég til að komast eitthvað áleiðis í bókinni, sem lofar góðu.“ 

Af kokteilboðinu er ekki meira að segja. En Óskar Aðalsteinn, bróðir snillings-jóns er bæði sár og reiður yfir því að hafa ekki verið boðið. Hann segir:

„Þetta er svekkkjandi. Þótt ég hafi verið búsettur hjá foreldrum okkar á Selfossi í nokkrar vikur í leit að sjálfum mér þá er óþarfi að skilja mig útundan. Þetta var ömurlegt kvöld í faðmi foreldranna þar sem við lágum á meltunni öll þrjú fyrir framan skjáinn, hámuðum í okkur ís og horfðum á X-Factor. Ég hef örugglega bætt á mig nokkrum grömmum, sem vart var á bætandi.“

snillingur-jón svarar gagnrýni bróður síns i samtali við litlu fluguna á þann veg að ekki hafi hentað að koma til fjölmennrar veislu í fylgd með samkynhneigðum bróður sínum. Slíkt hefði ekki litið vel út . Þá hefði vel mátt búast við að eftir nokkur glös hefði Óskar lagst á menn og þrýst á að þeir fylgtu liði með sér í baráttunni fyrir því að stytta yrði reist af Einari Bárðarssyni umboðsmanni og plöggara á umferðareyjunni við Ölfusárbrú á Selfossi. 

Engu skipti hver niðurstaðan verði í styttumálinu. „Ég hef ekki áhuga á styttum af Einari, allra síst að hann verði það fyrsta sem ég sé þegar ég kíki á Selfoss,“ sagði snillingur-jón. 

Í boði eru heilir tíu fyrirlestrar í dag jafnt á íslensku sem útlensku.

Athygli vekur að eftir hverja tvo fyrirlestra, sem standa yfir alltof lengi, er boðið upp á langt hádegishlé og kaffihlé í tvigang. 

Trompið eru hins vegar orkudrykkirnir sem bornir verða fram klukkan 17 í dag. Þátttakendur hafa 10 mínútur til að svolgra þeim í sig áður en þeir setjast niður yfir siðustu tveimur fyrirlestrunum.

Ekki kemur fram í tilkynningu um málþingið hvort boðið verði upp á Bombu, Magic eða aðra töfradrykki til að halda áhugafólki um setningarstöðu sagna vakandi á síðustu metrum málþingsins.

Á sama tíma hefur verið ákveðið að breyta svolitlu í rekstri Litlu rækjunnar. Í fyrsta lagi mun Litla rækja framvegis heita litla rækjan - með litlu elli - auk þess sem snillingur - jón, stofnandi litlu rækjunnar og aðal hugmyndasmiður hennar, hefur tekið við stöðu stjórnarformanns.

„Ég hef þreifað lengi á litlu rækjunni frá því ég stofnaði hana í gær. Eftir mikinn vöxt hennar síðdegis hefur verið ákveðið að ég taki alfarið við stjórn hennar og sigli þessu mikla fleyi sem litla rækjan er víða. Ég mun einblína á marga hluti og koma víða við þó án þess að missa sjónar á markmiðinu,“ segir snillingur - jón, nýr stjórnarformaður litlu rækjunnar.

Þetta er í annað sinn sem ég tek mér fyrir hendur að heyra undir félag á borð við Litlu rækjuna en fyrir nokkrum árum gerðist ég málpípa sojasósufyrirtækis í Japan.

Afleiðingarnar voru skelfilegar enda neyddist ég til að innbyrgða sojaógeð í hvert mál og virðist hafa þróað með mér átröskun og hugarvíl af öllu tagi.  

Litla rækja er hins vegar framför, að mínu viti. Fyrstu skrefin í jákvæða átt verður iðrahreinsun og bætt heilsa auk þess sem ég mun leggja áherslu á auðsöfnun með geysiháum vinningum í Lengjunni.

Heill þúsundkall verður lagður inn í sjóð og tekið af honum við tækifæri.

snillingur - jón þakkar þeim sem á hlýddu og býður alla velkomna að taka fagnandi LITLU RÆKJUNNI!

Gjöriðisvovel. 

Samkvæmt arfalélega yfirlesinni frétt á forsíðu Morgunblaðsins í dag segir að nánustu ættingjar hans hafi verið hjá einræðisherranum fyrrverandi á meðan hann kvaddi þennan heim. Held að nær hefði verið að láta aðstandendur þúsunda fórnarlamba hans sem myrtir voru í stjórnartíð Pinochets standa við rúmið á dánardægrinu.

Segi nú bara: Skrattinn fær það sem skrattans er.

En mikið assgoti þurfti hann að bíða lengi eftir einum... 

Það eru nokkur ár liðin síðan George W. Bush, forseti Bandaríkjanna, lýsti yfir því að stríðinu í Írak væri lokið. En...

Man ekki betur en að haft hafi verið eftir honum í fréttum fyrir skömmu að hann sæi fram á frið Írak.... já, já. 

Það er sorglegt er bandaríska matvörukeðja hættir sölu á íslenskum afurðum í verslunum sínum enda verður áralöng markaðssetning blásin út í hafsauga eins og ekkert sé. 

Allt fyrir nokkra hvali sem veiddir eru þrátt fyrir "tilfinningasemi" örfárra einstaklinga.

Þetta þarf allt endurskoðunar við...  

Og jafnvel ekki það heldur tekur hann allavega ekki eftir einhverjum stjórnarslitum.

Hann lá yfir X-Factor og segir, að Selfossbær ætti að reisa styttu af Einari Bárðarsyni, sem hefur komið bænum rækilega á kortið með stórglæsilegri framgöngu sem stjóri Skítamórals sem og í Idol-þáttunum og áðurnefndum X-Factor.

Ekki slæm hugmynd það og ég mælti með því að styttan af Einari myndi standa fyrir framan Kaupfélagshúsið hvar hann stal oft túrtöppum í æsku til að bleyta í pollum og henda í bíla sem óku hjá. 

Það er enginn maður með mönnum nema hann hafi komið á Selfossi, að sögn Óskars sem hefur komið á Blönduósi, í Vínarborg, Reykjavík og eflaust miklu fleiri stöðum.

Nú er spurning hvort annað hvort Einar B. eða Óskar bróðir gerist ekki bara þingmaður Sunnlendinga.

Því þá er hægt að segja: Það er enginn maður með mönnum nema hann fái "það" á Alþingi.

Hún var eitthvað á þessa leið: Borgarstjóri reið minnihlutanum.

Ingibjörg Sólrún Gísladóttir var borgarstjóri í Reykjavík á þessum tíma. En sá tími var einhver hundrað ár, eða hér um bil.

Á forsíðu Vísis.is í dag birtist ekki síðri fyrirsögn. Hún var svona: Margrét ætlar að taka sæti ef hún fær það.

Hvað er þetta það? Freudíska sleipiefnið hefur aldeilis hleypt þeim á skeið sem eru þannig þenkjandi... 

Hér er auðvitað vísað til Margrétar Sverrisdóttur, sem óvænt var sagt upp starfi framkvæmdastjóra hjá Frjálslynda flokknum, en hún ætlar að taka sæti á lista flokksins ef hún fær það í leiðbeinandi forvali hjá flokknum.

Orðatiltækið: Hugurinn ber mig hálfa leið, á kannski betur við í þessu tilviki...

Kannski stærðarhlutföllin séu öðruvísi hér á landi og í öðrum löndum.

Hver hefur t.d. séð japanska körfuknattleiksliðið? Nei, ég bara spyr... 

Eða hvað: Velti því alvarlega fyrir mér og láta veðurfræðingana í útlöndum vita af því sem er að gerast við strendur Íslands. Þangað berast hærri öldur og allt yfir 50 sentímetra háar! 

Eyrarbakki gæti sokkið í sæ! 

Og hvað með Stokkseyri?

Verður ekki að banna fólki að leita fanga í Hvalfirði þar sem ölduhæðin getur orðið allt að 20 sentímetrar!

Jesús Kristur! Ég verð að hætta að fara í bað. Þegar ég stíg ofan í það bærast öldurnar og fara upp í allt að 5 sentímetra!

Ég gæti drukknað... 

Sömuleiðis veit ég ekki með Frjálslynda flokkinn. Veit hreinlega ekki hvort hugmyndir þeirra litist af fordómum eða nauðsyni á reglugerðum varðandi erlent fólk á Íslandi.

En ef svartir sauðir - eins og þeir sem kepptu fyrir hin ýmsu Afríkuríki eins og á HM í sumar - ná því ekki að skora mörk - eins og á HM í sumar - þá verð ég alveg hoppandi, líkt og ég benti reiðilega á í mínu fyrsta endurlífgaða bloggi hér í sumar.  

Svo veit ég hreinlega ekki hvað maður á að halda um gyðinga, Norður-Kóreumenn, flesta Bandaríkjamenn, eldri borgara sem segja að allt hafi verið gott um þarsíðustu aldamót, þynningu ósonlagsins, Hrafn Gunnlaugsson, Einar K. Guðfinnsson..... og marga fleiri.