Farsíminn er eins og gömul drottning

Ég fór með farsímann minn í viðgerð í hádeginu. Lítið um það að segja, nema hvað símskrattinn var hættur að hlaða batteríið.  Starfsmaður Símans prófaði hann, setti símann í samband og sá smáneista. Svo var það búið.

Gatið er of stórt og botninn útjaskaður, sagði hann. Tengingin nær engum neista. Það verður að skipta um botnstykkið.

Mér var aðeins hugsað til gömlu drottninganna sem fóru stórum á Laugavegi 22 þegar staðurinn var beggja blands fyrir nokkrum árum.

Ætli þær dreymi ekki um að skipta um botnstykki? 

Ég skrifaði undir eitthvað plagg og fæ farsímann aftur eftir helgi - free of charge - í óeiginlegri merkingu.

 

Athugasemdir

[ÓKÁ (IP-tala skráð) 15.10.2006 kl. 20:32]

Var svona gaman að fá símann aftur að enginn tími gefst til að blogga. Er snillingurinn steinsmoginn á braut?

[snillingur-jón, 16.10.2006 kl. 13:15]

Það er allt á fullu í steinsmugunni, maður! Það er pípandi...